ಪ್ರೀತಿ

ಪ್ರೀತಿ

ಪ್ರೀತಿ ಹೃದಯಾಂತರಾಳದ ಒಸಗೆ

ಪ್ರೀತಿಗೇಕೆ ಅನುಕಂಪದ ಛಾಪ

ಪ್ರೀತಿ ಮನಸುಗಳ ಸಲಿಗೆ

ಪ್ರೀತಿಗೇಕೆ ಮರುಕದ ಲೇಪ

ಪ್ರೀತಿ ಆತ್ಮಗಳ ಬೆಸುಗೆ

ಪ್ರೀತಿಗೇಕೆ ಭವ ಬಂಧನದ ಕೂಪ

-- ಮಹೇಶ ಶ್ರೀ. ದೇಶಪಾಂಡೆ

ತುಷಾರಪ್ರಿಯ

ಮೂಕ

ಮೂಕ

ಮಾತು ಬಾರದೆ ಮೂಕನಾದೆ ನಾನು ಇಂದು

ನಿನ್ನ ಪ್ರೀತಿಯ ಆಳಕಂಡು

ನಾನಿಂದು ಅದರೊಳು ಮಿಂದು

ಆನಂದದಿ ತೇಲಾಡಿ ಎಂದೆಂದು

ಉಡುಗದಿರಲಿ ಪ್ರೀತಿ ಇನ್ನೆಂದು

ಬತ್ತದಿರಲಿ ಓಲುಮೆ ಎಂದೆಂದು

ಅನವರತ ಸಲುಹು ನನ್ನ ನಿನ್ನೆದೆಯ ಮಂದಿರದಿ

ಚ್ಯುತಿ ಬಾರದಿರಲಿ ಮಧುರ ಪ್ರೀತಿಗೆ ಇನ್ನೆಂದೂ

-- ಮಹೇಶ ಶ್ರೀ. ದೇಶಪಾಂಡೆ

ತುಷಾರಪ್ರಿಯ